Ka përfunduar edhe takimi i fundit i xhiros së 16-të në futbollin e Superligës së Kosovës.Ferizaj ka shënuar fitore të pastër ndaj Dukagjinit me rezultatin 2:0.
Ferizajasit që të dy golat i realizuan në pjesën e parë me Fatih Karahoda (14’) dhe nga penaltia Taulant Dajaku (34’).
Pas ndeshjes, ka folur trajneri i Ferizajt, Bekim Isufi i cili e komentoi kështu fitoren.
“Pas rezultatin 2:0 kundërshtari tentoi të na rrezikonte dhe atë e arriti por për fat nuk shënuan. Jam i kënaqur për fitoren, pjesa e parë shumë e mirë me dy gola të shënuara, gjë të cilën nuk e kemi bërë asnjëherë deri më tani, derisa në pjesën e dytë e menaxhuam rezultatin”, ishin fjalët e Isufit për SSK.
Me këtë fitore, Ferizaj grumbullon 15 pikë në pozitën e 10-të, derisa Dukagjini është i fundit me tetë sosh.