Vetëm Parma ka mbetur për t’u bindur, pasi Inter thuhet se kanë rënë dakord të paguajnë 35 milionë euro te Atalanta për reprezentuesin suedez, Dejan Kulusevski.
Mesfushori suedez është shënjestruar si profili i duhur për Interin e Antonio Contes, por një transferim mund të jetë i komplikuar nga fakti se ai është huazim te Parma.
Sipas mediumit italian Corriere della Sera, Nerazzurrët kanë arritur një marrëveshje me Atalantan, të cilët u kualifikuan për raundin 1/16-tën e Ligës së Kampionëve të mërkurën në mbrëmje.
Por, 19-vjeçar suedez ka tërhequr vëmendjen këtë sezon duke bërë përshtypje të mëdha në Ennio Tardini, dhe Parma mund të mos e lejojë atë të largohet në mes të sezonit.
Në rastin e ndonjë ndërlikuar me Parman, gazeta pretendon se Conte do t’i drejtohej ish-lojtarit të Juventusit, Arturo Vidal, i cili aktualisht është në Barcelonë.
Ai thuhet se dëshiron të sigurojë lojtarin në një marrëveshje huazimi në janar dhe të diskutojë mundësitë e një lëvizje të përhershme gjatë verës së ardhshme. /T/