Njëra ndër Kombëtaret më të mëdha në botën e futbollit dhe gjysmëfinalistja e Kupës së Botës 2018, Anglia, do të arrijë sot në Kosovë, për ndeshjen që nesër do të zhvillohet në “Fadil Vokrri”.
Kosova do ta presë nesër në orën 16:00 në stadiumin “Fadil Vokrri” në Prishtinë Kombëtaren e Anglisë, për ndeshjen e fundit në kuadër të Grupit A kualifikues për Kampionatin Evropian 2020.
Tifozët e Anglisë tashmë kanë arritur në Kosovë për ta përcjellë ekipin kombëtar të tyre. Çmimet e lira dhe mirëpritja në Kosovë u ka bërë, për çka kanë dhënë vlerësimet e tyre në rrjetet sociale, shkruan Reporteri.net.
Njëri prej tyre është shprehur i impresionuar se si për një shumë prej 30 eurosh, ka shijuar tri ushqime të ndryshme dhe rreth, 20 birra. Ai e ka cilësuar Kosovën si vendin më të mirë në botë.
“Hëngra tri herë bukë dhe rreth 20 birra dhe i shpenzova vetëm 30 euro, Kosova është vendi më i mirë në Tokë”, ka shkruar tifozi me emrin Josh Pownall.