Kandidati i koalicionit AAK-PSD për kryeministër Ramush Haradinaj, i cili po mbanë tubim me strukturat e dy subjekteve në Mitrovicë premtoi për herë të parë se nëse e fiton edhe një mandat qeverisës do ta krijojë Ligjin për Mitrovicën.
Ai e bëri këtë njoftim pasi mori shembull komunën e Prishtinës dhe atë të Obiliqit të cilat posedojnë ligjet e veçanta të komunës, prandaj u zotua para mitrovicasve:
“Po ua them për herë të parë sot, e kom rujt për juve, do ta krijojmë edhe ligjin për Mitrovicën”.
“Me këtë ligj do të garantonim jo vetëm zhvillimin e Trepçës po edhe të komunës përmes Trepçës”, tha Haradinaj.