Presidenti i Serbisë, Aleksandër Vuçiq po vazhdon të qëndrojë në spitalin ushtarak në Beograd, pas disa problemeve që iu paraqitën me zemër.
E përdtishmja beogradase, “Alo.rs” shkruan se presidenti kishte probleme shëndetësore për shkak të vëllimit të madh të punës, por gjendja e tij është shumë më e mirë sot.
“Shëndeti i njeriut të parë të vendit është kujdesur nga një ekip ekspertësh dhe aktualisht është në duar të mira. Ai po ndihet shumë më mirë këtë mëngjes – konfirmoi gazetari Dragan Vucicevic.
Kjo gazetë, e afër me Vuçiqin, ka një mesazh edhe për ata që po i gëzohen shëndetit të numrit një të Serbisë.
“Më kot, tifozët gëzohen në eksitim, dhe plani i tyre ka dështuar, Vuçiç po ndihet shumë më mirë. Ata u gëzuan sepse e vetmja mënyrë për të ardhur në pushtet ishte të vrisnin Vuçiqin”.