Pas shumë vitesh Federata Shqiptare e Futbollit ka vendosur që të vendos bileta për ta parë një ndeshje të kombëtares U21 dhe kjo ndodh pikërisht në ndeshjen e parë zyrtare ndaj Kosovës.
Pavarësisht se çmimi është simbolik, ky veprim po shihet si tendencioz nga FSHF, pasi kjo gjë ndodh pikërisht ndaj Kosovës.
“Arsyet janë të pakuptueshme, pse pikërisht kundër Kosovës janë vendosur biletat. Duhet të ishte një vëllazërore (edhe pse ndeshje zyrtare), një spektakël dhe show për tifozët e pranishëm në stadium”, shkruan e përditshmja shqiptare “Panorama Sport”.
Shqipëria U21 ka vetëm dy pikë dhe me pak gjasa se Kosova për tu kualifikuar në Evropianin e vitit 2021.
Dueli ndërmjet Shqipërisë U21 dhe Kosovës U21 zhvillohet më 15 tetor në “Elbasan Arena” me fillim nga ora 19:00.