Në Kosovë sot po mbahen zgedhjet e parakohshme.
Lajmi.net është duke qëndruar nëpër qendrat e ndryshme të vendit, nga ku ka raportuar për procesin e zgjedhjeve në përgjithësi.
Vetura të shumta në rrugë, fluks i madh i qytetarëve e mobilizim është vërejtur në Mitrovicën e dy kandidatëve për kryeministra, Kadri Veselit e Vjosa Osmanit.
Nga atje është bërë e ditur se ka numër të madh të votuesve deri më tani, dhe se nuk është regjistruar ndonjë parregullsi.
Po ashtu, lajmi.net ka qëndruar edhe në vendlindjen e kandidatit për kryeministër nga rradhët e PDK-së, Kadri Veselit, në Broboniq.
Banorët e këtij fshati janë mobilizuar për të dalë sa më shumë në votime dhe për ta përkrahur kandidatin e tyre.
Aktualisht edhe dy orë kanë mbetur deri në mbylljen e vendvotimeve në Kosovë.
Pas orës 19:00, KQZ pritet të dalë me një konferencë për media ku do të tregojë për numrin e votuesve. /Lajmi.net/