Kryeministri Edi Rama pritet të mbledhë në orën 11:00 krerët e bashkive dhe deputetët.
Mbledhja e tyre e menjëhershme vjen pas tërmetit 5.8 ballë, që tronditi vendin pasditen e djeshme dhe që pasoi me dhjetëra lëkundje të tjera.
Faktin e mbledhjes së sotme e paralajmëroi në mbledhjen e jashtëzakonshme të qeverisë në mesnatë edhe vetë kryeministri Edi Rama.
“Do të kemi një takim me kryetarët e bashkive dhe me deputetët, sepse ka edhe një aspekt tjetër që nuk figuron në raporte. Është nevoja e njerzëve në ato pika ku është ndjerë më shumë kjo goditje për të pasur afër njerëz që dinë ti qetësojnë me argumente për goditjet, por edhe për ti lehtësuar atë barrën e stresit, që nuk ikën kollaj”,- u shpreh Rama ndër të tjera.