Një mbrëmje jo edhe aq e mirë për shpresat e Kosovës në futboll.
Kombëtarja e Kosovës U17 është demoluar nga Uellsi, duke u mposhtur me rezultatin 1:4, shkruan lajmi.net.
Ndeshja nuk nisi mirë për Dardanët e rinj, të cilët u ndëshkuan me karton të kuq qysh në minutën e 15’ (Thaçi).
Një minutë më vonë, Baker realizoi golin e parë për Uellsin. Kurse, në minutën e 33’, Dackers dyfishoi epërsinë e uellsianëve.
Minuta e 44’ e takimit ishte ajo që dha goditjen e radhës për kosovarët, kur Higgins shënoi për 0:3.
Ademi arriti të shënonte golin e nderit për Kosovën U17, në minutën e 81’ të takimit, por Uellsi u përkujdes që të shënonte edhe një herë, me anë të Edëards, dy minuta para fundit të lojës.
Kjo është humbja e dytë radhazi për U17 e Kosovës.