Në komunën e Gjilanit janë numëruar 100 % e votave apo 129 vendvotime sa kanë qenë në këtë komunë, kështu duke treguar se Lëvizja Vetëvendosje është e para në këtë komunë që udhëhiqet nga Lutfi Haziri i LDK’së.
Lëvizja Vetëvendosje ka fituar në Gjilan me 39.70%, apo 17 mijë e 864 qytetarë i kanë dhënë votën LVV-së, afro 5 mijë vota largë vendit të dytë.
E dyta radhitet Lidhja Demokratike e Kosovës me 27.15%, apo 12 mijë e 217 vota.
Ndërsa Partia Demokratike e Kosovës radhitet e treta me 18.17%, apo 8 mijë e 177 vota.
Koalicioni AAK-PSD ka marrë 7.20%, apo 3 mijë e 238 qytetarë e kanë votuar këtë subjekt. Ndërkaq koalicioni Nisma-AKR-PD ka marrë 3.48% apo 1 mijë e 565 vota.
Kujtojmë se Lutfi Haziri kishte ashpërsuar gjuhën dhe deklaratat e tij gjatë fushatës zgjedhore në drejtim të Albin Kurtit duke ia vënë emrin ‘Mr Bean’, nofkën e komedianit të njohur anglez./gazetametro.net