Donjeta Sadiku fitoi medaljen e artë në Kampionatin Ballkanik “Antalia 2019”.
Një e artë, dy të argjendta dhe dy të bronzta është bilanci i medaljeve të fituara nga Kombëtarja e Kosovës në boks në Kampionatin Ballkanik “Antalia 2019”.
Medaljen e artë e fitoi Donjeta Sadiku, e cila në finale mposhti turken Sema Caliskan, në kategorinë -64 kg. Caliskan këtë vit kishte fituar medaljen e bronztë në kampionat botëror.
Nga i gjithë ky sukses, Donjeta nuk pajtohet me një gjë, ajo në emisionin “Sports Show” në Klan Kosovë, tha se profesorët nuk e kuptuan atë kur ajo ishte në gara, dhe se ia kishin humbur vitin e studimeve në Universitetin e Edukatës Fizike.
“Jam në Universitetin e Edukatës Fizike dhe nuk kam mundur të vij prej Rusisë, me hy ne provime, kështu profesorët nuk me kanë kuptu dhe e kam humb vitin për këtë arsye”, tha Donjeta për emisionin, “Sports Show”.