Përzgjedhësi i Përfaqësueses së Kosovës, Bernard Challandes është duke mbajtur konferencën për shtyp para dy ndeshjeve të ardhshme.
Challandes ka treguar pse nuk e ka ftuar sulmuesin e Trabzonsporit, Donis Avdijaj për këto dy ndeshjet duke thënë se është vetëm vendim i tij, për shkak të disa arsyeve.
“Për pyetjen për futbollistët e rinj nuk është përfundimi i ciklit i grumbullimit të futbollistëve të rinj, pasi kemi Dresheviq, Muslija. Përgjigja për pyetjen e dytë, është se duhet të bëjë punën time, është vendimi im, unë duhet të vendos. Ai nuk është këtu për shkak të disa arsyeve dhe është vendimi im”, ka thënë Challandes, transmeton Insporti.com.
Kosova të hënën e 14 tetorit do ta zhvillojë njërën nga ndeshjet më të rëndësishme në eliminatoret për Kampionatin Evropian, ku në stadiumin “Fadil Vokrri” ndeshet me Malin e Zi, ndërsa me 10 tetor do ta zhvillojë një miqësore me Gjibraltarin, po ashtu në Prishtinë.