Kur Majlinda Kelmendi ulet në gjunjë e mbushur me lot në Lojërat Olimpike, ajo ishte më shumë sesa nje lirimi i presionit nga medalja e artë. Ishte gjithashtu një moment përcaktues për 1.8 milion njerëz të Kosovës, shkruan discover-cee.com, raporton BlicMedia.net.
Kështu filloi BBC-ja tregimin nga Lojërat Olimpike në Rio në vitin 2016. Dhe, me të vërtetë, ishte një moment përcaktues për xhudisten e re kosovare Majlinda Kelmendi, ëndrra e së cilës ishte përmbushur. Në të njëjtën kohë, ishte një moment përcaktues që hapi një kapitull të ri për komunitetin sportiv të Kosovës, për sportistët e vendit më të ri evropian.
Në ceremoninë e hapjes së Olimpiadës, Majlinda mbart me krenari flamurin e Kosovës, flamurin që u ngrit për herë të parë ndonjëherë në ngjarjen më të madhe sportive të botës. Bashkatdhetarët e saj po e shikonin këtë moment në lot. Ata ishin të lumtur që talenteve kosovarë u jepet një shans të konkurrojnë në mënyrë të barabartë me të tjerët, të jenë në gjendje të demonstrojnë njohuritë dhe aftësitë e tyre.
“Kjo është hera e parë që Kosova është pjesë e Olimpiadës, dhe gjithashtu për mua është hera e parë … Unë mendoj se ari është i madh … Nuk ka miliona në botë që mund të më bëjnë të ndjehem si ndihem sot”, cituan media Majlinda Kelmendin si ajo po i fliste botës pasi fitoi një Medalje të artë të Lojërave Olimpike në xhudo ne kategorin e 52 kg në Rio.
Kosova mori një anëtarësim të plotë të Komitetit Olimpik Ndërkombëtar (IOC) në Dhjetor 2014. Kështu, Rio 2016 ishte një përparim për Kosovën, një vend ku më shumë se gjysma e popullsisë është më e re se 30 vjet. Majlinda Kelmendi (1991) kampione e shumfisht në xhudo, është sportistja e parë kosovare që arrin këtë sukses në nivelin më të lartë sportiv. Ajo theu me sukses të gjitha barrierat dhe arriti në majë dhe në vendin e saj të lindjes ajo vlersohett nga të rinjtë si hero.
“Padyshim që ajo është modeli për të gjithë të tjerët që ëndërrojn të arrijë sukses përmes punës së palodhur dhe besimit të fortë se suksesi do të vijë”, ka thënë Tomorr Grabovci gazetari sportiv për “Discover CEE”.
Sot shoqatat sportive të Kosovës janë anëtare të plota në të gjitha organizatat ndërkombëtare sportive. Sporti është një nga fushat më premtuese në Kosovë që pret investime, në veçanti ato të huaja. /BlicMedia.net
