Blerta Deliu-Kodra nga PDK, që ka qenë edhe kryetare e komisionit për integrim në Kuvendin e Kosovës, ka folur për liberalizimin e vizave.
Ajo ka thënë se në vitet 2016-2017, kur ishte koha e nënshkrimit të marrëveshjes së demarkacionit ndërmjet Kosovës dhe Malit të Zi, ne e kemi humbur momentumin, sepse në atë kohë ka pasur një perceptim shumë të mirë për Kosovën, kjo na është thënë në të gjitha takimet me ndërkombëtarët.
“Disa deputetë për interesa personale nuk e kanë votuar atë”, ka thënë Deliu-Kodra në Zona Zgjedhore.
Ajo ka shtuar se tani ka zhvendosje totale të vëmendjes, tani kemi një tjetër Evropë, po ballafaqohemi me një izolim nga BE, kriteret teknike janë shndërruar në kritere politike.