Ballkani ka qenë befasia më e madhe e stinorit vjeshtor në futbollin e Kosovës.
Skuadra e Ismet Munishit është shpallur kampion vjeshtor në Superligë, dhe së fundmi arriti edhe çerekfinalen e Kupës së Kosovës, raporton Zëri.info.
Lidhur me situatën te klubi Suharekas ka folur edhe futbollisti më në formë sot në Kosovë Blendi Baftiu.
Baftiu ka thënë se nuk e ka pritur që Ballkani të jetë kampion vjeshtor.
“E kemi nisur mirë edhe fazën përgatitore në verë, kemi zhvilluar më së shumti miqësore, dhe i kemi fituar të gjitha”, ka thënë fillimisht Baftiu në ‘Arena Sportive’.
“Të them të drejtën nuk e kemi pritur që të shpallemi kampion vjeshtor”, vlerësoi Baftiu.