Sipas mediave zvicerane, skuadra e Baselit ka vendosur që ta blejë përfundimisht sulmuesin e Përfaqësueses së Kosovës, Edon Zhegrovën, transmeton Gazeta Metro.
Edon Zhegrova është Baseli si i huazuar nga skuadra belge, Genk, deri në verën e vitit 2020. Por, sipas mediave zvicerane, Baseli ka vendosur që ta blejë përfundimisht 20 vjeçarin.
Edon Zhegrova ka zhvilluar disa paraqitje të mira së fundmi, teksa në ndeshjet e fundit siguroi edhe pozitën e titullarit.
‘Sontag Blick’ raporton se Baseli mund ta blejë përfundimisht sulmuesin e Kosovës për shumën e 3.5 milionë euro nga Genku.
Edon Zhegrova deri më tani në këtë sezon është paraqitur në 12 ndeshje me Baselin në të gjitha garat, duke shënuar 2 gola dhe dhuruar 3 asistime.