Dy gjigantët spanjollë po mundohen ta transferojnë njërin prej mesfushorëve më të talentuar në Evropë.
Barcelona dhe Real Madridi janë futur në garë për transferimin e mesfushorit të Ajaxit, Donny van de Beek.
Lajmin e ka bërë të ditur mediumi “Diario Sport”.
“Los Blancos” i kanë nisur tashmë bisedimet me klubin holandez për futbollistin, për të cilin Ajaxi i kërkon 60 milionë euro.
Ndërkohë, edhe Barça e pëlqen futbollistin, i cili po shkëlqen në dy sezonet e fundit me gjigantin holandez.
Van de Beek nga ana e tij do ta pëlqente një transferim në Spanjë, edhe pse thuhet se interesim për të kanë shfaqur edhe klubet e mëdha angleze.