Festat e fundvitit po afrohen dhe secili ka nevojë për pak buzëqeshje në fytyrë.
Care for Kosovo Kids dhe Klubi Alpin Prishtina, gjatë ditës së djeshme kanë zhvilluar një aktivitet bamirës për fëmijët e prekur nga kanceri, që janë të shtrirë në Repartin e Hemato-Onkologjisë në Klinikën Pediatrike në QKUK, Prishtinë, shkruan Reporteri.net.
Vullnetarët e këtij klubi janë veshur si figurat e preferuara vizatimore të fëmijëve të shtrirë në spital, duke iu kthyer për pak çaste buzëqeshjen në fytyrë.
Ata janë lëshuar me litarë nga ndërtesa e Klinikës Pediatrike të veshur me veshje të karaktereve që fëmijët i pëlqejnë shumë si Spiderman, Superman, Babadimër.