Policia e Kosovës ka dhënë detaje për kanosjen që i është bërë dje Kryetarit të Prishtinës, Shpend Ahmeti, i cili u ofendua verbalisht nga një person që hyri në zyren e tij, shkruan Gazeta Metro.
Siç bën të ditur policia përmes raportit 24 orësh, rasti ka ndodhur dje rreth orës 11:00.
Personi në fjalë dyshohet se një ditë më parë e kishte kanosur Ahmetin edhe përmes telefonit.
Prokuroria është njoftuar me këtë rast, dhe po vazhdon të hetohet.
Njoftimi i plotë:
Ankuesi mashkull K/Shqiptar, ka raportuar se një i dyshuar mashkull K/Shqiptar ka hyrë në objekt dhe duke e ofenduar verbalisht ka kërkuar takim me Kryetarin e Komunës. Dyshohet se një ditë më parë përmes mesazhit telefonik kishte kanosur të njëjtin. Në lidhje me rastin është njoftuar prokurori ndërsa rasti është duke u hetuar./gazetametro.net