Një aksident i çuditshëm ka ndodhur mbrëmë rreth orës 22:20 në Pejë.
Një veturë është aksidentuar me ç’rast është futur brenda një lokali. Rastin e ka konfirmuar zëdhënësi i Policisë Rajonale të Pejës, Xhevat Ibraj.
Ai ka thënë se nga ky aksident kanë mbetur të lënduar tre persona, të cilët janë jasht rrezikut për jetë.
“Po ka ndodhur mbrëmë një aksident në qendër të Pejës. Vetura ka dalë nga kontrolli dhe ka hyrë në një objekt. Tre persona janë lënduar, mbrëmë kanë qenë jashtë rrezikut për jetë, nuk e di a ka ndryshuar gjendja e tyre.
Njësitet policore kanë dalur në vendin e ngjarjes dhe po merren me rastin”, ka thënë ai./IO/