Herët në mëngjesin e sotëm, katër persona të maskuar kanë përdorur eksploziv për ta plaçkitur filialin e bankës TEB në Suharekë, transmeton Gazeta Metro.
Kanë dalur pamje të reja, se si është grabitur filiali i bankës TEB në qytetin e Suharekës, nga katër persona të maskuar.
Grabitës kanë përdorur mjete shpërthyese, eksploziv për të thyer derën hyrëse të bankës.
Rastin e ka konfirmuar edhe Zëdhënësi i Policisë së Kosovës për rajonin e Prizrenit, Shaban Osmanollaj, i cili tha se sot rreth orës 3:45, në rrugën ‘Brigada 123’, të dyshuarit përdorën eksploziv për të thyer derën hyrëse të bankës.
Sipas informatave nga TEB, të dyshuarit nuk kanë arritur të marrin mjete nga banka.
Policia e Kosovës ka dalur në vendin e ngjarjes ndërsa personat që e kanë sulmuar bankën janë larguar në drejtim të panjohur./gazetametro.net