Dy rasë të dhunës në familje kanë ndodhur dje në Prizren.
Policia ka njoftuar se është arrestuar një femër, pasi që e njëjta pas një mosmarrëveshje ka sulmuar fizikisht dy viktimat vjehrrit e saj.
“Viktimat kanë pësuar lëndime trupore dhe të njëjtit kanë pranuar tretman mjekësor, ndërsa me vendim të prokurorit e dyshuara është dërguar në mbajtje”, thuhet në raportin ditor të policisë së Kosovës.
Po dje në Prizren, sipas njoftimit të policisë, është arrestuar i dyshuari mashkull K-Shqiptar, pasi që i njëjti ka sulmuar fizikisht dy viktimat, bashkëshorten dhe vajzën e tij. Nuk raportohet për të lënduar, ndërsa me vendim të prokurorit i dyshuari dërgohet në mbajtje.
Në të dy rastet, policia ka hapur hetimet për ‘dhunë familjare’. /Lajmi.net /