Tërmeti i fuqishëm që goditi Shqipërinë në orët e para të mëngjesit të djeshëm, ka pasur pasoja të rënda në popullin shqiptar.
Deri më tani raportohen 29 të vdekur dhe qindra të lënduar janë duke marrë ndihmën e specializuar mjekësore.Një bilanc tragjik që pritet të ndryshojë nga ora në orë.
Shtëpia të shkatërruara, njerëz që kanë mbetur në qiell të hapur janë hasur me solidaritetin e madh të shqiptarëve.
Në ndihmë të tyre ka ardhur edhe klubi i futbollit, Tirana që ka hapur dyert e stadiumit “Selman Stërmasi” duke strehuar dhe ushqyer ata që pësuan nga këto tërmete.
Një natë e gjatë me temperatura të ulëta, por fatmirësisht që është “ngrohur” sadopak nga zemërgjerësia e shqiptarëve që kanë ndihmuar me çfarë kanë mundur.
Ushqime, veshmbathje, hapjet e dyerve të shtëpive të tyre, gjithçka është vënë në dispozicion për ata që janë prekur nga ky tërmet fatal.
Më poshtë mund të shihni disa foto nga ndihmat e mbërritura te qendra e organizuar nga klubi bardheblu për të gjithë të prekurit e tërmetit shkatërrimtar.
