Këngëtarja shqiptare Gjyste Vulaj duket të ketë qenë shumë e prekur nga gjendja e vështirë e shqiptarëve pas tërmeteve të fuqishme që goditën Shqipërinë.
Kështu, ajo vendosi të kontribuojë me plot 3000 dollarë, të cilat i ka dhuruar online për një nga fondet më gjigante që shkon në ndihmë të familjeve të prekura nga tërmetet.
Ka qenë faqja e organizatës “Fundjavë ndryshe” që edhe menaxhon këtë fond onloine, të cilët kanë bërë të ditur përmes një postimi shumën e dhuruar nga këngëtarja Vulaj.
“Këngëtarja Gjyste Vulaj dhuroi 3000 dollarë dhe iu bashkua nismës tonë për rindërtimin e shtëpive të prekura nga tërmeti. Bamirësia nuk të varfëron. Faleminderit”, thuhet në njoftimin e “Fundjavë ndryshe” në Instagram.
Shqiptarët anë e mbanë trevave kanë treguar një solidarizim të jashtëzakonshëm me të prekurit nga tërmetet në Durrës në komunat Durrës e Thumanë, gjendja e të cilëve ishte e vështirë pas tërmeteve famëkeqe të 26 nëntorit.
