Sport

ZYRTARE: Gani Sejdiu emërohet trajner i skuadrës kosovare

Vushtrria ka shfaqur interesim për trajnerin e suksesshëm nga Mitrovica, Gani Sejdiu, shkruan Zeri.info.

Klubi që në këtë edicion po garon në Ligën e Parë, ka mbetur pa trajner pasi largimit të Fitim Llapashticës të shtunën e kaluar.

Sejdiu që momentalisht është trajner i lirë, ka shfaqur gatishmëri që ta ndihmojë ekipin në ndeshjet e mbetura të stinorit vjeshtor.

“Vushtrria ka shfaqur interesim dhe pasi që jam trajner i lirë dhe kanë mbetur vetëm edhe tri ndeshje deri në fund të stinorit, jam shprehur i gatshëm që tu ndihmojë. Aty kam punuar edhe më herët dhe e njoh shumë mirë ambientin që është shumë i mirë. Pas këtyre ndeshjeve, mbetet të shihet se cilat janë planet e klubit pastaj për pranverë. Në këto ndeshje vetëm do t’u ndihmojë për çfarëdo që klubi ka nevojë”, ka thënë Gani Sejdiu të hënën për Zeri.info.

“Timonieri” Sejdiu në të kaluarën e ka drejtuar Trepçës, Trepçës ’89, Vushtrrinë, Feronikelin, Ballkanin dhe së fundmi Drenicën.

Me Trepçën dhe Feronikelin i ka shijuar titujt kampion në Kosovë.

Pas dhjetë xhirove të zhvilluara, Vushtrria renditet në pozitën e shtatë me nëntë pikë të grumbulluara në Grupin A të Ligës së Parë. /Zeri.info

Postime të ngjajshme
Sport

Ballkani po kryeson, por ja kush ishte lidere e Superligës pas xhiros së 15-të në sezonin e kaluar

Sport

14 referë në ndeshjet e Superligës këtë sezon, ja cili është deleguar në më së shumti ndeshje

Sport

Kjo ishte premia që futbollistët e Dritës morën pas fitores ndaj Gjilanit

Sport

Tre trajner të “dorëhequr” këtë sezon, por vitin e kaluar numri ishte shumë më i madh