Milot Rashica e ka gjetur formën e tij më të mirë te Werder Bremeni.
Futbollisti nga Vushtrria mungoi në fillimin e këtij edicioni shkaku i një lëndimi, por me t’u kthyer në fushat e gjelbërta, Rashica është duke shfaqur potencialin e tij ndeshje pas ndeshje, shkruan Zëri.info.
Ylli i Kosovës po tregohet vendimtar pothuajse në të gjitha ndeshjet e Werder Bremenit, derisa së fundmi realizoi gol të bukur në barazimin 2:2 ndaj Freiburgut.
Me golin e shënuar ndaj Freiburgut, Rashica arrin në kuotën e katër golave në kampionatin elitar gjerman Bundesliga në vetëm gjashtë ndeshje të zhvilluara.
Gjithashtu, Rashica ka dhuruar edhe dy asistime në kampionat, si dhe ka shënuar dy gola në Kupën e Gjermanisë, e njohur ndryshe si DFB-Pokal.
Gjithsej, në të gjitha garat, 23-vjeçari ka shënuar gjashtë gola dhe ka dhuruar dy asistime deri më tani këtë edicion.
Natyrisht edhe Werder Bremeni ka mbetur i mahnitur nga statistikat e deritashme të futbollistit vushtrrias.
Duke postuar statistikat e Rashicës këtë edicion, klubi gjerman ka pyetur ndjekësit:
“Si do të duken statistikat e ‘raketës’ në fund të këtij edicioni?”.