Lajme

Vulin ofendon shqiptarët, i reagon ashpër Kamberi

Deputeti shqiptar në Parlamentin e Republikës së Serbisë, Shaip Kamberi, ka thënë se Ministri serb, Aleksandër Vulin po vazhdon të përdorë termin “siptari” kur iu referohet shqiptarëve.

Ai thotë se nuk fyhet nga ajo që thotë Vulin, pasi që nuk mund të ndihesh i ofenduar nga një person që nuk ka dinjitet.

“Problemi është se z.Vulin tregon se nuk e respekton vetë shtetin e Serbisë dhe ligjet e saj. I kujtojmë z.Vulin se të gjitha dokumentet zyrtare të Republikës së Serbisë emërtojnë shqiptarët si “Albanci”.

Paramendoni, Ministri i Brendshëm që nuk i përfill ligjet e shtetit, terminologjinë zyrtare. Prandaj, z.Vulin është sot një nga simbolikat më të mira se ku është katandisur Serbia së sotme.

Pa e harruar faktin se duke e përdorur gjuhën e urrejtjes ndaj shqiptarëve, z.Vulin dëshmon se nuk shqetësohet për reagimin që prodhon gjuha e tij, në përditshmërinë e qytetarëve serbë që jetojnë në mjediset e përziera me shqiptarët”, thotë ai.

“Por natyrisht se z.Vulin nuk shqetësohet për fatin e Sllavicës dhe Draganit që bashkëjetojnë me shqiptarët.

Ata dëshiron vetëm t’i shfrytëzojë për pushtetin e tij, duke e aktruar patriotin serbomadh nga restorantet luksoze të Beogradit”, shtoi Kamberi.

Postime të ngjajshme
Lajme

Familja nga Kukësi që u zhvendos në Kosovë ka një hall të madh

Lajme

Podujevë: Hajnat i hyjnë në katin e tretë dhe i vjedhin 2000 euro, ari, pasaporta e 4 kartela bankare

Lajme

Deputetja e LDK-së për Albin Kurtin: Ai është diktator

Lajme

Çfarë i ndodh trupit pas një gripi normal, mund të fitoni antitrupa kundër Covid-19?