Auto/Tech

Volkswagen prezenton Golf R dhe GTI

Të dy versionet e këtij modeli kanë ngjashmëri të mëdha, teksa do të prezantohen brenda një kohe të shkurtër

Vitin e kaluar, është lansuar pas një pritje shumë të gjatë Volkswagen Golf i ri, ndërsa tani është koha për arritjen e dy versioneve të reja.

Derisa Volkswagen ka bërë të ditur, se GTI do të prezantohet gjatë pranverës, Autocar njofton se kjo do të ndodhë pikërisht gjatë muajit mars, në Geneva Motor Show. Pas kësaj, në Goodwood Festival of Speed që fillon në qershor, do të jetë aktiviteti ku prezantohet Golf R.

Sikur modelet e mëparshme edhe ky GTI do të jetë sportiv, ndërsa i është përditësuar sistemi i nxjerrjes së gazrave që këtë herë i ka dy gypa, rrotat i ka më të mëdha, si dhe pjesën e përparme shumë më agresive.

Megjithëse pritej që GTI i ri të jetë hibrid, mësohet se do ta ketë motorin e njëjtë me 2.0 litra por të përditësuar, që të mund të arrijë nga 242 deri në 287 kuaj fuqi.

Shpejtësinë nga zero deri në 100 kilometra në orë, pritet ta arrijë brenda gjashtë sekondave, ndërsa 250 kilometra në orë është shpejtësia maksimale.

Brenda Volkswagen Golf R, pritet të jetë një motor më i fuqishëm, që prodhon nga 350 deri në 400 kuaj fuqi.

Postime të ngjajshme
Auto/Tech

Facebook Messenger merr dizajn të ri

Auto/Tech

Aston Martin V12 Speedster me 700 kuaj fuqi dhe çmim prej një milion eurove

Auto/Tech

Samsung zbuloi Galaxy S20

Auto/Tech

Teknologjia po bën mrekulli, falë syzeve VE, nëna ritakon vajzën e saj të vdekur