Sport

Vllaznia e Shkodrës “rrëmben” mesfushorin e Gjilanit

Futbollisti shqiptar Arbër Çyrbja mund të jetë afrimi i radhës te Vllaznia. Mesfushori i krahut, i cili në kampionatin shqiptar u afirmua te Teuta e më pas luajti me Kukësin, ka qenë pjesën e parë të këtij sezoni në përbërje të Gjilanit.

Ai është nën kontratë me skuadrën kosovare deri në fund të sezonit, por me ardhjen e trajnerit të ri, Bylbyl Sokoli, vazhdimësia e durrsakut në Gjilan është në dyshim.

Gazeta “Olle” dje ka shkruar se Çyrbja ka arritur marrëveshje të plotë me Vllazninë dhe pritet të zyrtarizohet në ditët e ardhshme. Megjithatë, nga klubi shkodran për “Panorama Sport” ende nuk e konfirmojnë akordin me lojtarin e krahut.

Me sa duket, pa marrë më parë letrat nga klubi i Gjilanit, Çyrbja dhe Vllaznia nuk mund të bëjnë hapin konkret.

Mesfushori erdhi me shumë bujë në klubin kosovar, por ka qenë jashtë fushave për një kohë të gjatë prej dëmtimeve. Vetë drejtuesit kuqeblu janë shprehur se u duhej një sulmues krahu dhe një mesfushor shkatërrues për t’u kompletuar.

Postime të ngjajshme
Sport

Festë e madhe tek Arbëria, përfshihen edhe stafi i hotelit turk

Sport

Ozil mbërrin në Stamboll, Muriqi e shikon në TV

Sport

Tovërlani tregon se cila skuadër Drita apo Prishtina është favorit për ta fituar Superkupën

Sport

“Toki” flet për finalen e Superkupës së Kosovës