Lidhja Demokratike e Kosovës ka njoftuar se nënkryetarja e saj, Vjosa Osmani, ka takuar ambasadorin e Italisë, Piero Cristoforo Sardi.
LDK thotë se Osmani e njoftoi ambasadorin Sardi për ecurinë e takimeve të grupeve punuese të LDK-së me ato të LVV-së drejt një programi të unifikuar bashkëqeverisës, shkruan Reporteri.net.
Njoftimi i plotë i LDK-së:
Sot, nënkryetarja e LDK-së, dr. Vjosa R. Osmani, takoi Ambasadorin e Italisë, Piero Cristoforo Sardi.
Znj. Osmani falënderoi Ambasadorin Sardi për bashkëpunimin dhe përkrahjen e deritanishme që Italia i ka ofruar Kosovës në të gjitha proceset shtetformuese.
Njëkohësisht, znj. Osmani e njoftoi Ambasadorin Sardi për ecurinë e takimeve të grupeve punuese të LDK-së me ato të LVV-së drejt një programi të unifikuar bashkëqeverisës.
Znj. Osmani ripotencoi rëndësinë që do të kenë në programin e Qeverisë së ardhme dialogu Kosovë – Serbi dhe reformat në sektorët kyç zhvillimor.
Ambasadori Sardi uroi znj. Osmani për mbarëvajtjen e suksesshme të zgjedhjeve parlamentare dhe shprehu gatishmërinë e Qeverisë italiane për të vazhduar përkrahjen ndaj proceseve të rëndësishme në Kosovë. /Reporteri.net/.