Deputeti i zgjedhur nga radhët e VV’së, Mefail Bajqinovci ka reaguar rreth emërimit të drejtorit të ri të AKI’së, dhe Kryeinspektorin e AKI’së, nga Kryeministri në largim, Ramush Haradinaj, dhe Presidenti Hashim Thaçi, duke thënë se këtë veprim do ta shfuqizon me të ardhur Kurti në Qeveri, transmeton Gazeta Metro.
Ish-moderatori Mefail Bajqinovci, i cili ju bashkua së fundmi Vetëvendosjes, duke u zgjedhur edhe deputet në legjislaturën e ardhshme, nuk ishte përmbajtur pas dorëheqjes se ish-shefit të AKI’së, ai kishte përdorur gjuhë kërcënuese ndaj qeveritarëve.
Bajqinovci nuk ka hezituar as sot të reagoj rreth emërimit të shefit të ri të AKI’së nga Kryeministri në largim, Ramush Haradinaj, dhe Presidenti Hashim Thaçi, duke e cilësuar këtë si kapje të institucioneve të sigurisë.
Gjithashtu ai ka thënë se këto vendime do të zhvlerësohen me ardhjen e qeverisë Kurti.
Vlenë të theksohet se, Kryeministri në largim Ramush Haradinaj sot ka emëruar drejtorin e ri të AKI’së, detyrë të cilën ia dha Kreshnik Gashit, shkruan Gazeta Metro.
Haradinaj ka njoftuar gjithashtu se në postin e Inspektorit të Përgjithshëm të Agjencisë së Kosovës për Inteligjencë ka emëruar Burim Ramadanin./gazetametro.net