Sport

Trajneri kroat: Nuk po e shikoj më Kosovën, tash po e ndjek vetëm Shqipërinë

Skuadra kroate Lokomotiva e Zagrebit në Kroaci tashmë po njihet si një destinacion për futbollistët shqiptarë.

Ajo ka ndërtuar një koloni të futbollistëve shqiptarë në vitet e fundit që i ka sjell edhe suksesin.

Në sezonin e shkuar kjo skuadër do të mbërrinte në vendin e dytë të kampionatit, duke qenë vetëm pas Dinamos së Zagrebit.

Ky sezoni i ri nuk ka nisur aspak mirë për këtë skuadër, që renditet mes vendeve të fundit të renditjes. Në periudhën e Kombëtareve, trajneri i Lokomotivës së Zagrebit, Goran Tomiq ka ndjekur vetëm përballjet e Shqipërisë. Madje duke zgjedhur që të ndjekë ndeshjen e Shpresave tona U-21 përpara ndeshjes Spanjë-Gjermani.

“Më duhet ta pranoj që nuk e kam ndjekur ndeshjen mes Spanjës dhe Gjermanisë, në atë shkatërrim. Isha më i përqendruar te ndeshjet e Kombëtares së Shqipërisë, pasi aty kam lojtarë. Nuk po e shoh më Kosovën tani, Kastrati është larguar nga ne. Më duhet që të shikoj shqiptarët për shkak të interesit tim. Megjithëse të rinjtë e Shqipërisë u mundën thellë nga Anglia atë ndeshje e kam shikuar. Kisha edhe Kallakun që është një nga lojtarët standart të Shqipërisë tani dhe shkuan në Ligën B. Sa i përket humbjes së Gjermanisë, kam parë vetëm rezultatin”, u shpreh Tomiq për mediet kroate.

Postime të ngjajshme
Sport

Festina Koxha, vajza 20-vjeçarje që ndan drejtësinë në futboll

Sport

Karton i kuq skandaloz për yllin e Kombëtares së Kosovës në Turqi

Sport

Derbi i javës zhvillohet në Istog, rivalët e vjetër të futbollit kosovar takohen në Prizren

Sport

Dikush me pica e dikush në jakuzi, futbollistët e Dritës po argëtohen para ndeshjes me Ballkanin