Trajneri Sunaj Keçi është shprehur i pakënaqur me referimin, në ndeshjen ku skuadra e tij Flamurtari pësoi humbje nga Ferizaj.
Flamurtari u mund minimalisht në udhëtim te Ferizaj, në kuadër të xhiros së 14-të të Superligës.
“Me këtë referim kurrë s’kam qenë i kënaqur, kjo është sëmundje e futbollit kosovar”, tha Keçi pas ndeshjes për Supersport Kosovën.“Kjo është anomali pasi që po e shohim javë për javë nuk akordohen penalltitë”, theksoi ai.
“Por nuk jam unë njeriu adekuat, ka komisione le të merren me ta [gjyqtarët]”, shtoi ai.Ai pati ankesa edhe për kalendarin e ngjeshur, ku tha se futbollistët e Superligës së Kosovës nuk mund ta përballojnë një të tillë.
“Kemi pasur kalendar të vështirë, është ndeshja e tretë për 8 ditë, është vështirë që një lojtar i Superligës së Kosovës ta përballojë këtë”, përfundoi ai.Flamurtari pas kësaj humbjeje ka rënë në pozitën e 10-të në tabelë, me 12 pikë, aq sa ka Ferizaj që është ngjitur një pozitë më lart.