Ylli i Anglisë, Joe Gomez ka gërvishtje në syrin e tij të djathtë pas një përplasje me sulmuesin Raheem Sterling dje në stërvitje te skuadra kombëtare.
Dyshja kanë qenë duke u stërvitur së bashku para ndeshjes në kuadër të kualifikimeve për Euro 2020 kundër Malit të Zi mbrëmjen e së enjtes.
Sterling është përjashtuar nga skuadra për këtë ndeshje pas “tentimit për të kapur rreth qafës Gomezin” në përplasjen e tyre në stërvitjet.
Thuhet se dyshja është dashur të ndahen nga bashkëlojtarët e tyre te “Tre Luanët” në St. George Park vetëm disa orë pas përplasjes në Anfield.
Ata ishin përplasur në fushë gjatë fundit të fitores 3:1 të “Reds” ndaj “Citizens” pasditen e së dielës, derisa tensionet në kompleksin stërvitor me kombëtaren kishin vazhduar pikërisht për këtë fakt.
