Sot partitë politike edhe zyrtarisht fillojnë fushatën për zgjedhjet parlamentare, të cilat mbahen më 6 tetor.
Vetëm Lidhja Demokratike e Kosovës e ka hapur fushatën zgjedhore në ora 00:00, kur edhe kemi hyrë në datën 25 shtator, të tjerat parti pritet gjatë ditës së sotme të hapin fushatën.
Të gjitha partitë dhe koalicionet sot kanë paralajmëruar që fushatën ta fillojnë përmes tubimeve në qytete të ndryshme.
Fushata e nisur sot përfundon më 4 tetor, ndërsa data 5 tetor është heshtje zgjedhore e cila zgjat deri në mbylljen e qendrave të votimit të dielën në mbrëmje.