Organizim i jashtëzakonshëm nga Liga e Veteranëve të futbollit, e cila para pak ditëve ka zgjedhur kryesinë e re, shkruan BlicMedia.
Tanimë kjo kryesi ka nisur me aktivitetet e para të cilat padyshim se janë tejet pozitive.
Me angazhimin e kryesisë së re, Liga e Veteranëve do të organizojë turnir për nder të festës së flamurit, i cili do të mbahet sot me 25 Nëntor.
Ky turnir do të jetë një ditor, ku pjesëmarrës do të jenë: Veteranët e Flamurtarit të Vlorës, Veteranët e Kumanovës dhe Veteranët e Kosovës.
Ndeshjet do të zhvillohen në Banjë të Pejës, më saktë në fushën Onix, ndërsa takimet fillojnë nga ora 14:45.
Sipas Kryetarit të Ligës së Veteranëve, Enes Shoshollit, ky turnir do të jetë tradicional. /BlicMedia.net.