Nënkryetari i Listës Serbe, Igor Simiq, bëri të ditur se qëndrimi i sekretarit të Shtetit amerikan Mike Pompeo, për vazhdimin e dialogut Beograd-Prishtinë duhet të hiqet taksa, andaj është në përputhje me atë të presidentit Aleksandar Vuçiq dhe Serbisë.
Ai në këtë mënyrë ka komentuar takimin e sotëm në Nju Jork të presidentit Vuçiq dhe sekretarit të Shtetit amerikan Mike Pompeo, në të cilin është biseduar për Kosovën.
“Dita e sotme është unike në historinë e fundit politike të marrëdhënieve SHBA-Serbi, ku takimi përfundon me një qëndrim të përbashkët për situatën në Kosovë. Ky përparim diplomatik në marrëdhënie është rezultat i politikës përgjegjëse të presidentit Vuçiq, e cila bën që edhe ithtarët më të mëdhenj të pavarësisë së Kosovës ta pranojnë se çështja e Kosovës nuk përfundon me njohje të njëanshme të Kosovës, dhe se duhet të gjendet një zgjidhje kompromisi që respekton interesat e Serbisë dhe popullit serb”, tha Simiq.