Lajme

Shkrimi i Kurtit në fletore pas vizitës në panarin e Librit të Vjetër

Kryeministri Albin Kurti ka vizituar sot Panarin e Librit të Vjetër në Teatrin Kombëtar të Kosovës.

Autori Berat Dakaj ka ndarë disa fotografi nga ky panair, mes tyre edhe një shënim që kishte lënë Kurti pas vizitës atje.

“Librat e vjetër janë libra të cmuar, kurse librat e vjetëruar tregojnë se duhet rilexuar, që duhen duar e sy të rinj për to. Ky panair është ekspozitë që preket dhe isha i nderuar e i gëzuar me autorët e titujt që janë ruajtur e duhet ruajtur edhe më tej”, ka shkruar Kurti.

Në anën tjetër Zyra e Kryeministrit ka njoftuar se pas vizitës në ekspozitën e librave të vjetër, Kurti mori pjesë në bashkëbisedimin me poetin e mirënjohur Xhevdet Bajraj në Teatrin Kombëtar, me ç’rast edhe u promovuan librat e tij: “Ca kokrra rrushi nga Rahoveci”, “Kur qajnë hardhitë”, “Me zemër në qese najloni” dhe “Vrasja e Mushkonjës”.

Postime të ngjajshme
Lajme

Bie bora e parë në Kosovë

Lajme

Shaqir Totaj i PDK-së tregon pse i hyri garës për kryetar të Prizrenit

Lajme

Shpend Ahmeti dërgon një mesazh gjatë transmetimit direkt për Bedri Hamzën

Lajme

Vitia e Zemaj përplasen për menaxhimin e pandemisë