Lajme

Shkarkohet sekretari i përgjithshëm i Këshillit të Sigurisë, Kurti thotë se ishte emëruar në mënyrë joligjore

Sekretari i përgjithshëm i Këshillit të Sigurisë, Shpend Tërdevaj është shkarkuar nga kjo pozitë, në të cilën ishte vendosur nga 21 shtatori i vitit 2020.

Vendimi i Qeverisë Hoti u shfuqizua unanimisht nga Qeveria aktuale sot në mbledhje.

Kryeministri Albin Kurti tha se emërimi i Tërdevajt ishte bërë në mënyrë joligjore.

“Nisur nga fakti se rekrutimi i z.Tërdevaj është bërë në shpërputhje me dispozitat ligjore në fuqi, është e domosdoshme që vendimi të shfuqizohet me qëllim të kthimit të ligjshmërisë”, tha Kurti.

Kurti tha se funksionin e sekretarit të përgjithshëm të Këshillit të Sigurisë do ta ushtrojë përkohësisht një zëvendësues.

“Pozita në fjalë do të mbulohet nga një zëvendësues i përkohshëm”, tha Kurti, duke paralajmëruar se do të ketë konkurs për këtë pozitë. /reporteri.net

Postime të ngjajshme
Lajme

Aksident tragjik në Itali, vdes 24-vjeçari shqiptar

Lajme

Momenti kur polici serb tërheq zvarrë një grua gjatë protestave në Beograd

Lajme

Shpat Kasapi tregon ngjarjen emocionuese të babait që i ka ndodhur në të njëjtin vend të aksidentit në Bullgari

Lajme

U raportua për sulme të mundshme në Kosovë, reagon Policia