EkonomiLajme

Shkak i Pandemisë, falimentime të biznesëve, humbje vendëve të punës

Pas pushimit të detyruar për afro 2 muaj shkaku i pandemisë, disa nga bizneset kanë filluar t’i hapin dyert për klientët e tyre. Por, entuziazmi për kthim në vendet e punës ka filluar të zbehet.

Rreth 95 për qind e bizneseve kanë raportuar se kanë zvogëlim të shitjeve si rezultat i rënies së kërkesës. Kufizimi i lëvizjes së qytetarëve, përmendet si arsye e rënies së konsumit. Bizneseve u janë ulur të ardhurat dhe për pasojë ato kanë filluar të pushojnë punëtorë nga puna.

Të dhënat e Administratës Tatimore të Kosovës tregojnë se mbi 1.600 persona kanë deklaruar se kanë mbetur pa punë gjatë pandemisë. Por, ky numër dyshohet se është më i madh, pasi një pjesë e madhe e tyre nuk janë deklaruar nga kompanitë. Janë edhe dhjetëra mijëra të tjerë që kanë punuar në tregun joformal, shkruan Koha.

Organizatat financiare ndërkombëtare parashohin tkurrje të ekonomisë së Kosovës këtë vit. Sipas Fondit Monetar Ndërkombëtar, Kosova do të ketë rënie ekonomike prej 3-5 për qind, që i bie humbje të 30 – 50 mijë vendeve të punës. Edhe Banka Botërore parasheh një rënie ekonomike prej 4.5 për qind, por në skenarin më të keq, kjo rënie do të jetë deri në 11 për qind. Humbjet ekonomike brenda një dite sipas ministrit të Financave dhe Transfereve, Besnik Bislimi, janë rreth 6 milionë euro, ndërkohë odat ekonomike thonë se humbjet janë edhe më të mëdha. Por, sipas tyre, ende është herët për të ditur saktë dëmet e shkaktuara.

Postime të ngjajshme
Lajme

Kaçaniku nuk ka asnjë rast aktiv më sëmundjen e COVID-19

Lajme

Grenell, të gjithë duhet të respektojnë vendimin e Gjykatës Kushtetuese

Lajme

29 maji, Dita Ndërkombëtare e Paqeruajtësve të OKB-së

Lajme

Me vendimin e Gjykatës Kushtetuese, ndryshon rrjedha politike në Kosovë