Zyrtari i LDK-së, Shefqet Shehu, ka thënë në emisionin DPT te Fidani në T7 se kryetari i LDK-së, Lumir Abdixhiku, kishte paralajmëruar krizën energjetike kohë më parë.
Ai thotë se subjekti të cilit i takon, ka paraqitur së fundi mënyra se si të luftohet rritja e çmimit të rrymës, por që qeveria nuk e ka marrë parasysh.
“Fillimisht thanë se nuk mund të luftojmë krizën kur nuk ka krizë, pastaj e pranuan se ka krizë dhe pastaj e keqmenaxhuan atë”, tha ai.
Ai tutje paralajmëroi edhe rritjen e çmimeve të produkteve tjera si shkas i rritjes së çmimit të energjisë elektrike.
“LDK ka pasur një plan konkret me 10 pika por ka hasur në vesh të shurdhër. Nuk është ideja vetëm tek çmimi i rrymës, por edhe tek çmimet e produkteve. Kur shtrenjtohet rryma, bizneset rritin edhe çmimet e produkteve”, përfundoi ai. /Gazeta Express/