Sport

Ronaldo reagon më në fund pas spekulimeve për rikthimin e tij te Real Madridi

Ylli portugez, Cristiano Ronaldo ka reaguar më në fund në lidhje me spekulimet që e lidhnin rikthimin e tij te Real Madridi.

Të hënën, medium spanjoll “El Chiringuito” raportoi se “mbretërit” po e dëshirojnë rikthimin e Ronaldos nga Juventusi, shkruan Demokracia.com.

Tekniku italian, Carlo Ancelotti para disa orëve i mohoi të gjitha, derisa tani ka reaguar edhe pesë herë fituesi i Topit të Artë.

“Të gjithë që më njohin e dinë sa i fokusuar jam në punë. Të flasin më pak dhe më shumë aksion, kjo ka qenë motoja që nga fillimi i karrierës. Sidoqoftë, në shikimin e gjitha gjërave që thuhen dhe janë shkruar së fundmi, kam vendosur të flas për pozitën time”.

“Është më shumë se mos respekt për një njeri si lojtar, mënyra si e ardhmja ime është duke u zbuluar në media është mos respekt ndaj klubeve të përfshira në spekulime, se bashku me lojtarët e tyre dhe stafin”.

“Aventura ime te Real Madrid është e shkruar. Është regjistruar. Në fjalë dhe numra, në trofe dhe tituj, në rekorde dhe mendje. Është në muzeun e stadiumit Bernabeu dhe në mendjen e tifozëve të klubit. Pas asaj që kam arritur, kujtoj se në ato nëntë vite kam pasur dashuri dhe respekt që e ruaj sot e kësaj ditë dhe gjithmonë do ta çmoj. E di se tifozët e Real Madridit do më kenë në zemër dhe unë do i kem te e imja”.

“Në episodet e fundit në Spanjë ka pasur lajme dhe tregime që më lidhnin me një numër i klubeve nga liga të ndryshme dhe askush nuk është shqetësuar të gjejë të vërteten”.

“Jam duke thyer heshtjen dhe nuk lejoj që njerëzit të flasin me emrin tim. Mbetem i fokusuar në karrierë dhe punë dhe i përgatitur për sfidat që do përballem. Ndonjë gjë tjetër? Gjithçka tjetër është thjeshtë fjalë”, shkroi ai.

Postime të ngjajshme
Sport

Pas ndeshjes me Lazion, Mourinho fjaloset me gazetarë dhe e braktis konferencën

Sport

Ylli i Serie A shënon gol të mrekullueshëm me shishe të ujit në dorë

Sport

Dueli i zjarrtë në Champions, PSG – Man City: Guardiola ka disa fjalë për Messin

Sport

Joshua u dërgua në spital menjëherë pas humbjes ndaj Usyk