Sport

Rikthehet Champions League

Duel për vendin e parë të grupit por edhe hesape për t’u larë nga e kaluara. Champions League rikthehet menjëherë me spektakël dhe me një finale të parakohshme teksa vihen përballë Bayern Munchen dhe Barcelona.

Ballafaqimi i fundit i këtyre dy klubeve sjell kujtime të hidhura për spanjollët të cilët regjistruan një prej humbjeve më turpëruese në historinë e tyre, me rezultatin 8-2. Këtë herë katalanasit sfidojnë kampionët gjermanë edhe pa Leo Messin, por edhe me një sërë problemesh brenda klubit.

Hakmarrja do të jetë motivimi më i madh i skuadrës së Koeman, por edhe fakti që në La Liga, Barça e ka nisur mirë kampionatin përpos vështirësive.

Bayern në krahun tjetër është në formë të shkëlqyer edhe me ardhjen e trajnerit të ri Nagelsman. 3 fitore me radhë dhe një Lewandowski që shënon në çdo ndeshje.

Kampionët në fuqi Chelsea, e nisin rrugëtimin e tyre për mbrojtjen e kurorës nga rusët e Zenit. Juventus do të kërkojë kthesën përballë Malmos pas startit të dobët të kampionatit duke shfrytëzuar edhe rikthimin e futbollistëve amerikano-jugorë që munguan ndaj Napolit, ndërkohë që me interes pritet edhe debutimi i dytë në Champions League i Cristiano Ronaldos me fanellën e Manchester United.

Postime të ngjajshme
Sport

Pas ndeshjes me Lazion, Mourinho fjaloset me gazetarë dhe e braktis konferencën

Sport

Ylli i Serie A shënon gol të mrekullueshëm me shishe të ujit në dorë

Sport

Dueli i zjarrtë në Champions, PSG – Man City: Guardiola ka disa fjalë për Messin

Sport

Joshua u dërgua në spital menjëherë pas humbjes ndaj Usyk