Lajme

Ramadani tregon se kur pritet të vijnë vaksinat kundër koronavirusit në Kosovë

Drejtori i Institutit Kombëtar për Shëndetësi, Naser Ramadani, për emisionin Sot ka thënë se deri në mars pret që të vijnë vaksinat kundër COVID-19 në Kosovë, por se varet edhe nga ndërkombëtarët.

“Pritet deri në mars, por janë procedura që MSH-ja i ka kryer dhe po presim, varet nga relacionet me ndërkombëtarët”, ka thënë Ramadani i cili gjendej afër tendës së vendosur në sheshin “Zahir Pajaziti” ku po testohen qytetarë për koronavirus.

 

Ai tha se kjo formë e ngritjes së tendës në shesh për testim, është bërë për të ofruar shërbim më të qasshëm për qytetarët.

“Kjo formë është për t’i ofruar qytetarëve shërbime në një vend të rastësishëm dhe ky vend ëhstë sheshi, ku do shihet pasqyra epidemiologjike se ku është mbulesa më e madhe me COVID-19 në Kosovë”, shtoi Ramadani.

Ndërkaq, ka konfirmuar se shërbime të tilla do të jepen edhe gjatë vitit 2021 nëpër komuna të tjera.

“Ne do të vazhdojmë sepse po hyjmë në 2021 dhe duhet të mbulohet shërbimi për çdo qytetar. Ekipet tona janë në vazhdimësi për shërbim”, tha ai.

Postime të ngjajshme
Lajme

“Ma mirë s’po foli”, Vlora Çitaku me status misterioz

Lajme

Pacolli:Veç sot 5 komentues më fyen, ishin anëtarë të familjeve që u ndihmoja me shumë para

Lajme

Dyshohet se një person u hodh nga Ura e Shenjtë në Gjakovë, flasin nga Policia

Lajme

Shkëlzen Gashi kritikon Glauk Konjufcën