Sport

Ramadani shpërthen pas ndeshjes ndaj Gjilanit

Prishtina ka pasur epërsinë e një goli në derbi ndaj Gjilanit, por edhe epërsinë e një futbollisti më shumë në fushë dhe nuk ka arritur të marrë fitore.

Kryeqytetasit kanë lëshuar fitoren nga dora, pasi në fund ndeshja u mbyll pa fitues 1-1.

Trajneri i Prishtinës, Zekirija Ramadani ka mbetur i zhgënjyer me barazimin, duke thënë se janë dy pikë të humbura dhe nuk arsyetohet ky rezultat.

“Dy pikë të humbura, ishim në avantazh, kishim një futbollist më tepër, nuk arsyetohet ky rezultat, ky barazim është i barabartë me humbje, duke i pasur parasysh rrethanat. Kishim epërsi numerike dhe u ndëshkuam”, tha fillimisht Zekrija Ramadani për Art Sport.

Tutje trajneri shkupjan i Prishtinës ka thënë se ndoshta nuk ka arritur ta motivoj sa duhet ekipin, por në fund deklaroi se diferenca në tabelë nuk është e madhe.

“Nuk arritëm të shfrytëzojmë aspak epërsinë numerike, ndoshta nuk e kam motivuar ekipin sa duhet, kartoni i kuq (i Gjilanit) na bëri më shume dëm, se mirë, duhet të luajmë me përgjegjësi, nuk jemi aty ku duhet te jemi”, vazhdoi ai.

“Diferenca nuk është e madhe me vendin e parë, por qasja në fushë po na brengos, jo barazimi”, përfundoi Ramadani.

Gjilani me këtë pikë të fituar ngritët në vendin e dytë me 22 pikë, derisa Prishtina mbetet në vendin e gjashtë me 17 pikë.

Ndeshjen e radhës Gjilani do ta luaj në udhëtim te Ulpiana, ndërsa Prishtina para tifozëve të vet pret Dukagjinin e Klinës.

Related posts
Sport

Dhjetë klubet me vlerën më të madhe

Sport

Faza e grupeve në Ligën e Evropës përmbyllet sonte: Këto janë 16 ndeshjet, vëmendja në Napoli

Sport

Këto janë skuadrat e kualifikuara në raundin eliminues në Ligën e Kampionëve

Sport

Barcelona nuk ia del në “Allianz Arena”, mposhtet nga Barcelona

Leave a Reply

Your email address will not be published. Required fields are marked *