Sport

PSG-ja i përgjigjet ofertës së Barcelonës për Neymar

Paris Saint-Germain e ka refuzuar ofertën e Barcelonës për Neymarin, sipas gazetës prestigjioze franceze “Le Parisien”.

Barça i kishte bërë ofertë gjigantit francez për ta huazuar Neymarin këtë sezon me obligim për ta blerë vitin e ardhshëm. Por, kjo ofertë është refuzuar menjëherë nga PSG-ja.

Sipas të përditshmes franceze, PSG-ja e ka vlerësuar ofertën e kampionit spanjoll si të papranueshme jo vetëm në aspektin ekonomik, por edhe në atë parimor dhe mungesë respekti.

PSG-ja e bleu brazilianin nga Barcelona në verën e viti 2017 për një shumë rekord botëror, 222 milionë euro. Edhe sot, Neymar është blerja më e shtrenjtë në histori të futbollit.

Pronari i klubit, Nasser Al-Khelaifi nuk dëshiron ta lërë yllin e skuadrës të largohet falas, vetëm dy vjet pasi e bleu. Ai pranon ta shesë atë vetëm për një shumë të lartë parash, të cilat synon t’i përdorë për ta blerë një zëvendësues të denjë. /Gazeta Express/

Postime të ngjajshme
Show BizzSport

Pamjet/ Ky është momenti kur helikopteri i Kobe Bryant bie në tokë dhe përfshihet nga flakët

LajmeSport

“Zemra e saj u nda në miliona copa”, kur gruaja e Bryant kuptoi lajmin e kobshëm

Sport

Ky ishte postimi i fundit i Kobe Bryant

LajmeSport

Mësohen të gjitha viktimat që vdiqën bashkë me Kobe Bryant