Lajme

Prokuroria në Hannover jep detaje ekskluzive për rastin e vrasjes së 32 vjeçarit

Hetimet lidhur me vrasjen e 32 vjeçarit, Armin Neziri, i cili u vra pak ditë më parë në Hannover të Gjermanisë, po vazhdojnë ende.

Kështu ka deklaruar ekskluzivisht për Klankosova.tv Prokuroria në Hannover.

Sipas prokurorisë atje, i dyshuar për këtë rast është një 32 vjeçar me shtetësi të Gjermanisë dhe asaj të Serbisë.

“I akuzuari, i cili sipas njohurive lokale supozohet të jetë një 32-vjeçar me shtetësi gjermano-serbe, është në paraburgim që nga 7 qershori 2021 pasi u paraqit vullnetarisht në polici. Ne nuk mund të paragjykojmë dhe flasim më tepër lidhur me fajësinë ose pafajësinë e të dyshuarit”, thuhet më tej në përgjigjen e Prokurorisë gjermanë për Klan Kosova.

Armin Neziri u qëllua me armë zjarri në kryqëzimin e rrugës teksa ndodhej brenda automjetit të tij tip “Porsche Cayenne”.

Bazuar në raportimet e para autori i ngjarjes dyshohet të jetë një shqiptar nga Kosova, i identifikuar si Rinor Z., i cili drejtonte automjetin tip “Mercedes Benz”.

Sipas dëshmitarëve drejtuesi i Mercedes Benz është larguar në këmbë pas të shtënave, dhe ka arritur t`i shpëtojë forcave të policisë.

Ndërkohë gazeta gjermane BILD ka raportuar se viktima dyshohet për një vrasje të kryer në vitin 2017.

Postime të ngjajshme
Lajme

Ky është personi që humbi jeten sot në qytetin e Gjilanit

Lajme

Britania e Madhe del me qëndrim zyrtar për dialogun Kosovë-Serbi

Lajme

Inatoc e Pidiq: 6 emra të pazakontë të fshatrave të Gjilanit

Lajme

Vlora Çitaku tregon nëse do të garojë për kryetare të PDK-së