Zgjedhjet 2021

Profesori amerikan tregon kush do t’i fitojë zgjedhjet të dielën

Ben-Meir: VV-ja do të fitojë shumicën e votave, forca politike po punojnë kundër Kurtit
Profesori dhe eksperti amerikan për politikën dhe çështjet e Ballkanit në Universitetin e Nju Jorkut, Alon Ben-Meir, ka thënë se Lëvizja Vetëvendosje do të fitojë shumicën e votave në zgjedhjet e reja.

Duke folur për gazetën “Bota sot”, Ben-Meir ka thënë se populli ka aspirata për ndryshim në Kosovë.

“Bazuar në informacionin që kemi dhe duke marrë parasysh aspiratën e popullit për ndryshim, unë mendoj se Vetëvendosje mund të mbledhë shumicën e votave”, është shprehur eksperti amerikan.

Ai ka komentuar edhe për vendimin e Gjykatës Kushtetuese të Kosovës, e cila ia ka ndaluar Albin Kurtit kandidimin për deputet. Sipas tij, Kurti duhet të ankohet për këtë vendim.

“Unë gjithashtu besoj se Albin Kurti duhet të apelojë vendimin e Gjykatës Kushtetuese të Kosovës, veçanërisht për shkak se ai më parë shërbeu si kryeministër kur ende ishte e ndaluar (për shkak të dënimit me kusht me burg) të kandidonte për postin e kryeministrit”, ka thënë më tej Alon Ben-Meir.

Eksperti amerikan ka hedhur dyshime se kundër liderit të Vetëvendosjes po punojnë forca politike.

“Kam një ndjenjë se ka forca politike që po punojnë kundër tij. Në analizën përfundimtare, publiku duhet të ketë fjalën e fundit”, ka theksuar ai për “Bota sot”.

Zgjedhjet e parakohshme parlamentare në Kosovë do të mbahen të dielën (më 14 shkurt).

Postime të ngjajshme
LajmeZgjedhjet 2021

Deputetja më e pafat në LDK, mori vetëm 397

LajmeZgjedhjet 2021

Ku u votua më shumë Vjosa Osmani?

LajmeZgjedhjet 2021

Kaq vota mori Behgjet Pacolli në zgjedhje

LajmeZgjedhjet 2021

Vjosa Osmani shkruan historinë, është personi më i votuar ndonjëherë në Kosovë