Sport

Presidenti Ademi uron gazetarët sportivë në Ditën Botërore të Gazetarëve Sportivë

Presidenti i FFK-së Agim Ademi ka uruar gazetarët sportivë në Ditën Botërore të Gazetarëve Sportivë.

Me rastin e Ditës Botërore të Gazetarëve Sportivë, presidenti i FFK-së, Agim Ademi ka shfrytëzuar rasti t’i urojë të gjithë gazetarët sportivë.

Ademi përmes një letre të publikuar në uebfaqen e FFK-së, ka shprehur urimet më të sinqerta për profesionistët që janë duke punuar dhe ata që janë në pension.

Letra e presidentit Ademi pa ndërprerje:

Të dashur gazetarë sportivë të Kosovës!
Të nderuar drejtues të SHGSK-së!

Sot për Ju është një datë e rëndësishme – Dita Botërore e Gazetarëve Sportivë, prandaj më lejoni që në emrin tim, të KE të FFK-së dhe tërë komunitetit të futbollit të ju përcjell urimet më të sinqerta, pa harruar asnjëherë edhe doajenët e gazetarisë sportive që tashmë janë në pension, e të cilët lanë gjurmë të pashlyeshme në gazetarinë sportive të vendit dhe ishin udhërrëfyes të gjeneratave të reja.

Pas një viti të vështirë në të gjitha segmentet për shkak të pandemisë Covid-19, e ku pa dyshim ndër më të goditurit ishte edhe sporti, tanimë ngadalë po shkojmë drejt normalitetit. E kjo pa dyshim u jep mundësi edhe juve si gazetarë sportivë që të jeni më afër ngjarjeve sportive dhe vetë sportistëve, për t’i lartësuar të arriturat e tyre.

Misioni juaj është i shenjtë, ngase përveç se e informoni opinionin e gjerë për ngjarjet dhe sukseset në arenat sportive, me qasjen tuaj profesionale ndihmoni edhe në tejkalimin e problemeve dhe ngecjeve tek komuniteti sportivë.

Prandaj, edhe një herë të Ju përgëzoj të gjithëve, duke ju inkurajuar që të jeni sa më pozitivë dhe sa më profesional në punën tuaj të përditshme.

FFK do të vazhdojë përkrahjen ndaj jush, duke u përkujdesur që t’ju krijohen kushte sa më të mira për përcjelljen e aktiviteteve të futbollit si në vend, ashtu edhe në ndeshjet ndërkombëtare.

Shëndet e suksese për Ju dhe Familjet tuaja,

Me respekt,
Agim Ademi, president i FFK-së

Postime të ngjajshme
Sport

Drita shpërthen ‘bombën’, zyrtarizon transferimin e radhes

Sport

Munishi e uron emërimin e Begollit si trajneri i Vëllaznimit

Sport

Ja në sa ora do të parakalojnë në sheshin “Nënta Tereza” xhudistet kosovare

Sport

Ballkani sot luan miqësoren e radhës, ja me kë takohet