Sport

Prapaskenat interesante, Simonovski e fitoi çmimin ‘Ylli i javës’, por nuk shkoi për ta marrë – FFK ia dha pastaj këtë çmim Ermal Krasniqit

Federata e Futbollit e Kosovës së bashku me sponsorin e Superligës, Bankën Kombëtare Tregtare, BKT Kosova, vazhdojnë të ndajnë çmimin “YLLI I JAVËS”, për lojtarin më të mirë të xhiros.

“Zeri.info” mëson se epiteti i futbollistit më të mirë për xhiron e 11 i takoi sulmuesit të Dritës, Marko Simonovski, gjithsesi, çmimit në fund iu gëzuar Ermal Krasniqi i Ballkanit.

Marko Simonovski ishte hero i Dritës në xhiron e 11 duke shënuar një gol dhe asistuar në një tjetër në fitoren e Dritës ndaj Llapit në udhëtim me rezultat 3:1.

Ai është ftuar që ta marrë çmimin, por për arsye personale nuk ka mundur që të shkojë.

Në fund, FFK së bashku me sponsorin e Superligës, Bankën Kombëtare Tregtare, BKT Kosova vendosen që t’ia ndajnë çmimin Ermal Krasniqit të Ballkanit, i cili në atë xhiro ndaj Prishtinës, dha kontribut të madh në triumfin e skuadrës së tij ndaj kampionit në fuqi FC Prishtina, me një gol dhe një asistim në fitoren e suharekasve me rezultat 2:0.

Se çmimin e kishte fituar si fillim Marko Simonovski, një gjë të tillë e ka konfirmuar për Zeri.info edhe drejtori sportiv i Dritës, Valon Zymberi.

“Marko është zgjedhur lojtari i javës. Është e vërtet se e kanë ftuar Federata, por ai nuk ka shkuar për arsye personale, nuk e di se pse nuk ka shkuar”, ka thënë Valon Zymberi.

FFK me këtë rast nuk ka njoftuar se Marko Simonovski e ka merituar këtë çmim, duke e mbyllur këtë “histori” me Ermal Krasniqin.

https://www.facebook.com/FFKKosova/posts/4258869124241780

Related posts
Sport

Këto janë skuadrat e kualifikuara në raundin eliminues në Ligën e Kampionëve

Sport

Barcelona nuk ia del në “Allianz Arena”, mposhtet nga Barcelona

Sport

Futbollisti i Dritës pritet të operohet, luajti 60 minuta me dorë të thyer ndaj Prishtinës

Sport

Barcelona pëson edhe golin e tretë

Leave a Reply

Your email address will not be published. Required fields are marked *